Songtext “Na geh”

“Sunntog vormittog, I sitz in da Bim
Mei Frau und i, mia woin noch Ottakring
Aufn Berg a weng spazieren gehn
Waü es is ned koit und ‘s Weda is schee

Steigt am Girtl doch agrat oana ein
Der is iwabliem vom Vortog, siacht ma schon von da Weitn
Stinkat wiara Heisltschick broadt a si vor uns aus
Und draht daun auf sein Handy no a Bumm-Bumm-Musi auf

I sog zu eam, herst, Oida, muas denn des sein
Er schaut und grinst mi aun und daun schloft a ma ein

Na geh!

Wäust im Endeffekt jo eh nix ändern kaunst
Stehma auf und gemma viere, es bringt eh nix, waun ma raunzt
Vorn is nu wos frei und vüü ruhiger is es aa
Waunst genau schaust, is da gaunze Zug jo eh scho hoibat laa

A poa Stationen später steign ma um und deswegen aus
‘N Bus hauma vapaßt, der biagt grod ums nächste Haus
Hiazt woat ma aufn nächsten, waü da erschte is scho fuat
Oda gemma hoit a Stickal, waü des Gehn, des tuat uns guad

Do sogt mei Frau, geh, Schatzi, bleib amoi stehn
Auf dein Oasch do pickt a Kaugummi, den host iwasegn

Na geh!

I wü jo goa ned wissen, wos ma heit no ois passiert
Foit ma wos aufi, fians mi zaum, renn i wo eini, daß i bliat
Die Stimmung is ban Teifü, i bin zwida, hob an Grant
Dabei hätt ma doch den Sunntog und den Ausflug so schee plant

Aum Berg obm wirds daun besser, olles bliad und es is woam
Und i gfrei mi bam Spazierngehn mit da Meinigen im Oam
Die Zeit vageht, die Sunn is weg, so schnöö kaunst goa ned schaun
Drum moch ma uns aum Hoamweg, bissl fernsehen, Tatort schauen

Do steign ma in die Bim ein und do her ma scho den Lärm
Hiazt schloft der Typ no immer do und loßt sei Handy plärrn

Na geh!”